1159. പാപികളിന്‍ രക്ഷകന്‍ താനി
പാപികളിന്‍ രക്ഷകന്‍ താനിവന്‍ പാദം വണങ്ങിടും നീ
1 പാപശാപം തീര്‍പ്പാന്‍ പാരില്‍ ജനിച്ചോരു
ദേവസുതനാകുമേശു നായകനിവനറിക-
2 ആദിവചനമായ് ഭേദമെന്യേ നിന്നു
മേദിനിയോടഖിലവും മോദമായ് ചമച്ചതിവന്‍-
3 ആദിപിതാക്കള്‍ക്കോരേകശരണമായ്
സാദരമായ് നിന്ന ദിവ്യ ദാനവസ്തുവായതിവന്‍-
4 ദിവ്യബലികള്‍ക്കൊരവ്യാജ ശക്തിയായ്
ഭവ്യമായിരുന്ന നിത്യഹവ്യവസ്തുവായതിവന്‍-
5 ക്രൂശില്‍ മരിച്ചതാല്‍ നാശമൊഴിച്ചു ത-
ന്നാശ്രയം തെളിഞ്ഞുടന്‍ പ്രത്യാശയിന്‍ വഴി തുറന്നാന്‍-
6 ജീവനില്‍ പൂകേണ്ട വാതിലാം തന്നിലൂടാവലായടുപ്പോര്‍
ദിവ്യജീവനില്‍ കടന്നിടുന്നു-
Download pdf