535. കര്ത്താവില് എപ്പോഴും സന്തോ
കര്ത്താവില് എപ്പോഴും സന്തോഷിക്കും ഞാന്
ക്രിസ്തീയ ജീവിതയാത്രയതില്
കണ്ണീരിന് വേളയോ കഷ്ടങ്ങളേറെയോ
വരികിലുമവനില് ഞാന് സന്തോഷിക്കും
1 ആകുലചിന്തകളേറിയെന്നുള്ളം
വ്യാകുലമായ് മുറ്റും തീര്ന്നിടുമ്പോള്
ഏകുന്നു തന്മൊഴി സാന്ത്വനമെനിക്ക്
ആകയാലിലൊരു ചഞ്ചലവും-
2 കാലമെല്ലാം തന് കൈകളാലെന്നെ
കാത്തിടുവാന് വഴി നടത്തിടുവാന്
കരുത്തനാമവനെന്നും കരുതിടുന്നവനാം
കര്ത്തനില് മാത്രമെന്നാശ്രയമാം-
3 അറിഞ്ഞിടുന്നെന്നെയഖിലവും ദൈവം
അവന് ഹിതംപോലെ നടത്തിടുന്നു
അന്നന്നു താന് തരും തുമ്പമോ ഇമ്പമോ
അതുമതിയെനിക്ക് അനുഗ്രഹമാം-
4 പരിശോധനകള് പല ക്ലേശങ്ങള്
പാരിച്ച ഭാരങ്ങള് സഹിച്ചിടുമീ
പാരിലെ നാളുകള് തീര്ന്നിടും വേഗം
പിരിഞ്ഞങ്ങു പോം ഞാന് പ്രിയന്നരികില്-
Download pdf