1140. പാപീ! ഉണര്‍ന്നു കൊള്‍ക
പാപീ! ഉണര്‍ന്നു കൊള്‍ക നീ നിദ്രയില്‍നിന്നു
പാപീ! ഉണര്‍ന്നു കൊള്‍ക നീ
1 വലിയനാശം വന്നിടും കളിപ്പാന്‍ സമയമില്ല
ചെലവു ചെയ്യരുതേ നീ വിലയില്ലത്തതിന്നായി-
2 കടലിന്‍ ഇരച്ചല്‍പോലെ ഇടിമുഴക്കം പോലെയും
വിധിനാളിന്‍ ഭയങ്കരം അടുത്തടുത്തു വരുന്നു-
3 നിന്‍റെ വഴികളെയും അന്തര്‍ഭാഗങ്ങളെയും
തന്‍റെ തുലാസില്‍ ദൈവം സന്തതം തൂക്കിടുന്നു-
4 സത്യമാര്‍ഗ്ഗത്തിലേക്കും നിത്യരക്ഷയിലേക്കും
മര്‍ത്യനാകുന്ന നിന്നെ കര്‍ത്തന്‍ വിളിച്ചിടുന്നു-
5 നരകാഗ്നിയിന്‍ ജ്വാലയ്ക്കു ഇരയായ് പോകാതിരിപ്പാന്‍
പരനോടു യോജിക്കുക കരുണ കണ്ടെത്തുവാനായ്-
6 ഉറക്കം തൂങ്ങരുതിനി തുറക്ക വേഗം നിന്‍ കണ്‍കള്‍
വെറുതേ കളയരുതേ ചുരുക്കമാം രക്ഷാകാലം-
Download pdf