Lyrics : K.V.S.രീതി: സര്വ്വ പാപക്കറകള്
1 പാപഭാരക്കടലിലാണ്ടു വലയുവോരീ ലോകരെ
താപമാറ്റിക്കരയണച്ചോരേശുദേവാ! വന്ദനം
2 നീതിയെന്തെന്നറിവതിന്നു പ്രാപ്തിയില്ലാ ഞങ്ങളില്
നീതിമത്ത്വം കരുണമൂലം നല്കിയോനേ! വന്ദനം
3 ഗളമൊടിച്ചു കളയവേണ്ടും കഴുതകള്ക്കു തുല്യരായ്
വെളിയില് നിന്നോരെളിയ ഞങ്ങള് നീ നിമിത്തം മുക്തരായ്
4 കല്ലിലുള്ളെഴുത്തു മാച്ചു ഞങ്ങള് തന്നുള്ളങ്ങളില്
നല്ല നിന്വഴി തെളിച്ചു തന്ന നാഥാ വന്ദനം
5 തീരെയെളിയോരടിയാര് ചെയ്യുമീയാരാധനം
പാരമാം കരുണ പൂണ്ടു സ്വീകരിക്ക സാദരം
6 കീര്ത്തനങ്ങള് പാടി ഞങ്ങള് നിത്യകാലം നിന്നുടെ
സത്തമമാം സന്നിധിയില് വാഴുമാറാകേണമേ
![](images/PDF.gif)
Download pdf