654. പാതാളമേ! മരണമേ! നിന്നുടെ
പാതാളമേ! മരണമേ! നിന്നുടെ ജയമെവിടെ
കുഞ്ഞാട്ടിന്‍ നിണം കോട്ട തന്‍ഭക്തര്‍ക്ക് സംഹാരകന്‍ കടന്നുപോയ്
ജയത്തിന്‍ഘോഷം ഉല്ലാസഘോഷം ഭക്തരിന്‍ കൂടാരത്തില്‍
എന്നും പുതുഗീതം മഹത്വരാജനായ് സേനയിന്‍ വീരനായ്
അഭയം താനവര്‍ക്കെന്നുമെ
1 ഭീകരമാം ചെങ്കടലും മിസ്രയീം സൈന്യനിരയും
ഭീഷണിയായ് മുമ്പും പിമ്പും ഭീതിപ്പെടുത്തിടുമ്പോള്‍-
2 ശക്തരായ രാജാക്കളാം സീഹോനും ഓഗും വന്നാല്‍
ശങ്കവേണ്ട ഭീതി വേണ്ട ശക്തന്‍ നിന്‍നായകന്‍ താന്‍-
3 അഗ്നി നിന്നെ ദഹിപ്പിക്കില്ല നദി നിന്മേല്‍ കവിയുകയില്ല
അഗ്നിയതില്‍ നാലാമന്‍ താന്‍ ആഴിമേല്‍ നടകൊണ്ടോന്‍ താന്‍-
4 കൂരിരുള്‍ പാതയില്‍ നീ നടന്നാല്‍ വെളിച്ചമായവന്‍ നിനക്കു
കൂട്ടിനുവരും തന്‍കോലും വടിയും കൂടെന്നും ആശ്വാസമായ്-
5 ഭൂമിയും പണിയും അഴിഞ്ഞുപോകും നിലനില്‍ക്കും തന്‍വചനം
മരണം മാറും നാം വാഴും ജീവനില്‍ തന്‍കൂടെ യുഗായുഗമായ്-
Download pdf