102. പാടും പരമനു പരിചൊടു ഞാന്‍
രീതി : കാക്കും സതതവും പരമ
പാടും പരമനു പരിചൊടു ഞാന്‍ വരുമവനു സതതം ജയം
ഓടും വാജിയെ സാദിയോടു കൂടവേ
കടലൂടെ തള്ളി തന്‍ തേജസ്സോടെ പ്രബലപ്പെട്ടാന്‍
1 മാമകബലം സ്തുതിയായവന്‍ താന്‍ യഹോവാ
ആയവനെനിക്കുള്ള രക്ഷയും ദൈവവുമാം
ആകയാലവന്നൊരു വാസസ്ഥലം ചമയ്പ്പേന്‍
ഹാ! പിതൃദേവനവന്‍ ഞാനവനെ പുകഴ്ത്തി-
2 യുദ്ധമനുഷ്യനവന്‍ യാഹെന്നവന്‍റെ നാമം
സത്വരം ഫറവോവിന്‍ സൈന്യം രഥങ്ങളെയും
അബ്ധിയില്‍ തള്ളിയിട്ടു യുദ്ധനേതാക്കള്‍ മുങ്ങി
ഗുപ്തരായ് ചെങ്കടലിലത്തലോടവര്‍ താണു.-
3 ആയവരെ ആഴങ്ങള്‍ മൂടി കല്ലുപോലവര്‍
ആയമോടടിയിലോട്ടായവര്‍ താണു യഹോവയേ
നിന്‍ വലത്തുകൈ ആയോധനേ
ബലപ്പെട്ടായതു ശത്രുക്കളെ മായമെന്യേ നുറുക്കി-
4 നിന്നെതിരികളെ നിന്നുന്നത തേജസ്സിനാലൊന്നിച്ചു തള്ളിക്കള-
ഞ്ഞുന്നതനേ നിന്നുടെ മിന്നിജ്വലിക്കും ക്രോധം
നിന്നില്‍ നിന്നയച്ചു നീ ചിന്നും താളടിയേപ്പോല്‍
തിന്നിതവരെയതു-
5 നിന്‍ മൂക്കിലെ ദ്വാരങ്ങളിന്‍ ശ്വാസത്താല്‍ വെള്ളങ്ങള്‍
ഒന്നിച്ചു കൂടപ്പെട്ടു നീരോട്ടങ്ങള്‍ കൂട്ടംപോല്‍
നിന്നിതാഴങ്ങള്‍ കടല്‍ തന്നുള്ളിലുറച്ചുപോയ്
വന്ദിതനേ! പരമ മന്നവ! നിന്‍ കൃപയാല്‍-
6 ശത്രുപറഞ്ഞു: ഞാന്‍ പിന്നാലെ ചെല്ലും, പിടിക്കും
വിദ്രുതമപഹൃതം ഭദ്രം ഞാന്‍ ഭാഗിച്ചിടും
തൃപ്തിപ്പെടുമെന്നാത്മാവത്രയെക്കൊണ്ടുമുടന്‍
ഉദ്ധരിച്ചെന്‍ വാളാല്‍ ഞാന്‍ നിഗ്രഹിക്കുമവരെ-
7 നിന്‍ കാറ്റുകൊണ്ടൂതി നീ; സിന്ധുവവരെ മൂടി
ചെങ്കടലിലീയം പോല്‍ ശങ്കയെന്യേ താണവര്‍
നിന്നത്ഭുതക്രിയകള്‍ പങ്കഹീനസ്തുതികള്‍
തങ്കലെത്രയും മാന്യന്‍ ശങ്കനീയന്‍ നിസ്തുല്യന്‍-
8 നീട്ടി വലത്തുകൈ നീ തട്ടി വിഴുങ്ങി ഭൂമി
കൂട്ടിക്കൊണ്ടു വന്നു നിന്‍ കൂട്ടത്തെ കൃപയാ നീ
വാട്ടമില്ലാസ്ഥലത്തു കേട്ടാല്‍ ജനം പേടിക്കും
സ്പഷ്ടമായ് ഫെലിസ്ത്യരോ തട്ടുകേടായ് ദു:ഖിക്കും-
9 ഏദോം പ്രഭുക്കളെല്ലാം ഖേദമോടെ ഭ്രമിക്കും
മോവാബിലെ ബലവാന്മാരാകവേ വിറയ്ക്കും
കനാന്‍ പ്രജകളെല്ലാം സാവേഗമായ് ദ്രവിക്കും
ഹാ! ഭയവും ഞെട്ടലും ആയവരെ പിടിക്കും-
10 നിന്‍ ഭുജവല്ലഭതസ്തംഭിതരായവര്‍ നിന്‍
സമ്പാദിത ജനം കടന്നു പോകും വരെയ്ക്കും
കമ്പനമില്ലാതുള്ള കല്ലുകള്‍ പോലെ തന്നെ
കുംഭിനീനാഥനേ! നിന്‍ മുമ്പിലിരിക്കുമവര്‍-
11 ഉള്‍പ്രവേശിപ്പിച്ചു നിന്‍ സല്‍പുരത്തിലവരെ
ത്വല്‍പാര്‍പ്പിനായ് സ്ഥാപിച്ച ശുദ്ധസ്ഥലത്തുതന്നെ
കെല്‍പ്പുള്ള നിന്നവകാശാല്‍പേതരാദ്രി തന്നില്‍
നില്‍പ്പാനരുളും ഭവാന്‍ സല്‍പാലകനായ് വാഴും-
Download pdf