46. പാടിപുകഴ്ത്തിടാം ദേവദേവനെ
1 പാടിപുകഴ്ത്തിടാം ദേവദേവനെ
പുതിയതാം കൃപകളോടെ
ഇന്നലെയുമിന്നുമെന്നും മാറാ
യേശുവെ നാം പാടിപുകഴ്ത്താം
യേശുവെന്ന നാമമേ എന്‍
ആത്മാവിന്‍ ഗീതമേ
എന്‍പ്രിയനേശുവെ ഞാന്‍
എന്നും വാഴ്ത്തിപുകഴ്ത്തിടുമേ
2 ഘോരഭയങ്കരകാറ്റും അലയും
കൊടിയതായ് വരും നേരത്തില്‍
കാക്കും കരങ്ങളാല്‍ ചേര്‍ത്തു മാര്‍വ്വണച്ച
സ്നേഹം നിത്യം പാടും ഞാന്‍
3 യോര്‍ദ്ദാന്‍ സമമാന ശോധനയിലും
താണുവീണുപോകാതെ
ആര്‍പ്പിന്‍ ജയധ്വനിയോടു കാത്തു പാലിക്കുന്ന
സ്നേഹമാശ്ചര്യം
4 പെറ്റതള്ള കുഞ്ഞിനെ മറന്നാലും
ഞാന്‍ മറക്കായെന്ന വാര്‍ത്തയാല്‍
താഴ്ത്തിയെന്നെ തന്‍ കരത്തില്‍ വെച്ചു
ജീവപാത എന്നും ഓടും ഞാന്‍
Download pdf