133. പരമപിതാവിനു സ്തുതി പാടാം
പരമപിതാവിനു സ്തുതി പാടാം
അവനല്ലോ ജീവനെ നല്‍കിയവന്‍
പാപങ്ങളാകവേ ക്ഷമിച്ചിടുന്നു
ശോകങ്ങളഖിലവും നീക്കിടുന്നു
1 ഇടയനെപ്പോല്‍ നമ്മെ തേടിവന്നു
പാപക്കുഴിയില്‍ നിന്നേറ്റിയവന്‍
സ്വന്തമാക്കി നമ്മെ തീര്‍ത്തിടുവാന്‍
സ്വന്തരക്തം നമുക്കായ് ചൊരിഞ്ഞു-
2 അമ്മയെപ്പോലെന്നെ ഓമനിച്ചു
അപകടവേളയില്‍ പാലിച്ചവന്‍
ആഹാരപാനീയമേകിയവന്‍
നിത്യമാം ജീവനും നല്‍കിയവന്‍-
3 കൂടുകളെ കൂടെക്കൂടിളക്കി
പറക്കുവാനായ് നമ്മെ ശീലിപ്പിച്ചു
ചിറകുകളതിന്മേല്‍ വഹിച്ചു നമ്മെ,
നിലംപരിചായി നശിച്ചിടാതെ-
4 സ്തോത്രം ചെയ്യാം ഹൃദയംഗമായി
കുമ്പിടാമവന്‍ മുമ്പിലാദരവായ്
ഹല്ലേലുയ്യാ പാടാം മോദമോടെ
അവനല്ലോ നമ്മുടെ രക്ഷാകരന്‍
Download pdf