682. അനുദിനവും പാലകനായരി
രീതി: ദൈവമെത്ര നല്ലവനാം
1 അനുദിനവും പാലകനായരികിലുണ്ടെന്നേശുപരന്‍
അവനിലത്രേ എന്നഭയം അവനെനിക്കായ് കരുതുന്നല്ലോ-
2 കഷ്ടതയില്‍ കൈവിടാതെ തുഷ്ടിയേകി നടത്തുമെന്നെ
കരുമനകള്‍ വരികിലേശു അഭയമേകും അനുദിനവും
3 വന്ദ്യനവന്‍ നിന്ദിതനായ് കഠിനപീഡയേറ്റധികം
കുരിശിലേറി പാപികള്‍ക്കായ് തിരുശരീരം യാഗമാക്കി-
4 ഉലകത്തില്‍ സല്‍ഭരണ കര്‍ത്താവായിടും ശ്രീയേശു നാഥന്‍
സഹസ്രവര്‍ഷം തന്‍സവിധേ മരുവിടും നാം യെരുശലേമില്‍- K.J.S
Download pdf