Lyrics : T.J.A.പരനേശുവേ കരുണാനിധേ! വരമേകുക ദമ്പതികള്
ക്കരുളണമേ കൃപയെ ദിനംപ്രതി മാരിപോല് ദൈവജാതാ
1 തവദാസരാമിവരൈകമത്യമോടെ വസിച്ചിടുവാനും
അവസാനകാലമണഞ്ഞിടും വരെ പ്രീതിയില് മേവതിന്നും-
2 പരമാവിയാലിവരെ നിറയ്ക്ക മഹോന്നതനേ ദിനവും
തിരുനാമകീര്ത്തി സദാ നിനച്ചു തങ്ങള് വസിച്ചിടുവാനും-
3 പരനേശു തന് പ്രിയയായ് തിരുസഭയെ വരിച്ചായതിന്നായ്
മരണം സഹിച്ചതുപോലീദാസന് തന്പത്നിയെ ചേര്ത്തുകൊള്വാന്-
4 തവ ദാസിയാമിവളും അനുസരിച്ചിടണം നിത്യവും തന്
ധവനെ പുരാ സാറയും അബ്രാമിനെയെന്നപോല് മോദമോടെ-
5 പല മാറ്റവും മറിവും നിറഞ്ഞ ലോകേയിവര് നിത്യവും നിന്
അലിവേറ്റമുള്ളവയാം ചിറകടിചേര്ന്നു സുഖിപ്പതിന്നും-
![](images/PDF.gif)
Download pdf