1098. പദം പദം ഉറച്ചു നാം
1 പദം പദം ഉറച്ചു നാം ക്രൂശുമേന്തി പോകണം
ജീവനെങ്കില്‍ ജീവന്‍ വച്ചു ഭാരതം നേടിടണം-
2 പാപതന്ത്ര്യ ബദ്ധരാം ഭാരതീയ സോദരരേ!
പാപഭാരം നീക്കിടും യേശുവിങ്കല്‍ ഓടി വാ!
3 പോരുവിന്‍ യുവാക്കളേ! ചേരുവിന്‍ ഭ്രാതാക്കളേ!
ക്രിസ്തുനാഥന്‍ പോരിന്നായ് ഓടി ഓടി കൂടുവിന്‍!
4 സ്വാതന്ത്യമാര്‍ക്കും ലഭ്യമാം ക്രിസ്തുവിന്‍റെ ക്രൂശതില്‍
സ്വതന്ത്രമിന്നു ഘോഷിക്കാം ഭാരത്തിലെങ്ങുമേ-
5 ജീവനെ ത്യജിച്ചതാം രക്തസാക്ഷി സംഘത്തില്‍
ആയുധത്തെയേന്തി നാമായോധനം ചെയ്തിടണം-
6 പീഡകള്‍ നടുവിലും പാലനം ചെയ്തിടുമേ
പാവനാത്മദായകന്‍ പാരിലേശു നായകന്‍-
7 സ്നേഹത്തിന്നിരിപ്പിടം ത്യാഗത്തിന്‍ വിളനിലം
രക്ഷയിന്‍ സങ്കേതവും യേശുരാജന്‍ തന്നെയാം
Download pdf