Lyrics : K.V.S
122-ാം സങ്കീര്ത്തനം
നോക്കിലാര്ക്കും മതിവരാ മന്ദിരം ഭാഗ്യനാഥന്റെ ദിവ്യമാമാലയം
പോക നാമവിടെന്നു ചൊന്നളവെന്തുമോദമുദിച്ചു മേ!-
1 സാലേമേ! ഞങ്ങള് കാലുകള് നിന്നുടെ വാതിലിന്നകമേയിതാ
സ്ഥിതിചെയ്തിടുന്നതി ചിത്രമായ് തമ്മില് ചേര്ത്തിണക്കി-
പ്പണിതുള്ളൊരു ഹര്മ്മ്യമേ തവഭംഗി വാഴ്ത്തുവതേ-
തൊരുത്തനു സാദ്ധ്യമാം?-
2 യിസ്രായേലിന്നു സാക്ഷ്യത്തിനായ് തത്ര
സ്തോത്രസേവ നടത്തുവാനഖിലേശഗോത്ര സമുച്ചയം
എത്തിടുന്നവിടെ ദാവീദ് രാജന്റെ ശാസ്ത്രമേറിന ധര്മ്മപീഠ-
മിരുന്നിടുന്നു വിധിക്കിതാ!-
3 ആശംസിക്കേവം ശാലേമിന് ശാന്തിയെ
സ്വൈരമായ് നിവസിക്ക നിന്നോട് കുറെഴുന്നവരേവരും
നിന്നരമന കൊത്തളമെന്നിവ നിര്ണ്ണയം സുഖശാന്തികൊണ്ടു
നിറഞ്ഞിരിക്കണമെന്നുമേ-
4 എന് സഹോദരന്മാരും സഖാക്കളും നിന്നിലാണ് വസിപ്പതെന്നൊരു
കാരണത്തെ നിനച്ചു ഞാന് നിന്നില് ശാന്തിയുണ്ടാകെന്നു
ഘോഷിക്കും മന്നവാലയമുള്ളതാല് തവ നന്മ ഞാന് കരുതിടുമേ-
5 വന്ദനം പിതാവിന്നു നിരന്തരം വന്ദനം നരവര്ഗ്ഗരക്ഷക-
നേശുവിന്നുമതേ വിധം വന്ദനം പരിവാവനരൂപിക്കും
വന്ദനം യുഗകാലമായ് തുടരട്ടെ മാനവരേവരും-
![](images/PDF.gif)
Download pdf