71. നീ വീണ്ടെടുത്തതാം എന്‍
1 നീ വീണ്ടെടുത്തതാം എന്‍ പ്രാണനും
ഘോഷിച്ചുല്ലസിക്കും എന്നാത്മാവും
ആഴിയിന്‍ ആഴംപോല്‍ അഗാധമാം
നിന്‍സ്നേഹം ഞാനെന്നും ധ്യാനിക്കുമ്പോള്‍
ക്രൂശില്‍ ഞാന്‍ കാണും നിത്യസ്നേഹം
പാപിയെത്തേടും ദിവ്യസ്നേഹം പാടിടും ഞാന്‍
ഇന്നുമെന്നും, പാരിലെന്നും പ്രഘോഷിക്കും
ആമോദമായ്, ആഘോഷമായ്
സ്നേഹമതാല്‍, സ്നേഹമതാല്‍
2 സീമയ്ക്കതീതമാമീ പ്രപഞ്ചം
സര്‍വ്വേശന്‍ തന്‍നാമം ഘോഷിക്കുമ്പോള്‍
തല ചായ്പാനിടമില്ലാതീധരയില്‍
പാപിയെ നേടാന്‍ പാടുപെട്ടു-
3 വിണ്‍ദൂതര്‍ വാഴ്ത്തും വിണ്‍നാഥനാം
ഉര്‍വിക്കധിപനാം ദൈവപുത്രന്‍
മണ്ണില്‍ മനുജനെപ്പോല്‍ ധരയില്‍
പാപിയെ നേടാന്‍ പാടുപെട്ടു-
4 വിണ്ണിനും മണ്ണിനുമായ് നടുവില്‍
ഇരുകള്ളര്‍ നടുവില്‍ ഗോല്‍ഗോഥാമുകളില്‍
ചങ്കിലെ രക്തം ഊറ്റിക്കൊടുത്തു
പാപിയെ നേടാന്‍ പാടുപെട്ടു-
Download pdf