461. നീയല്ലോ ഞങ്ങള്‍ക്കുള്ള ദിവ്യ
നീയല്ലോ ഞങ്ങള്‍ക്കുള്ള ദിവ്യസമ്പത്തേശുവേ
നീയല്ലാതില്ല ഭൂവില്‍ ആഗ്രഹിപ്പാനാരുമേ
1 നീയല്ലോ ഞങ്ങള്‍ക്കായി മന്നിടത്തില്‍ വന്നതും
നീചരാം ഞങ്ങളുടെ പാപമെല്ലാമേറ്റതും-
2 കാല്‍വറി മലമുകളേറി നീ ഞങ്ങള്‍ക്കായ്
കാല്‍കരം ചേര്‍ന്നു തൂങ്ങി മരിച്ചുയിരേകിയ-
3 അന്നന്നു ഞങ്ങള്‍ക്കുള്ളതെല്ലാം തന്നു പോറ്റുന്നോന്‍
ഇന്നുമെന്നും കൂടെയുണ്ടെന്നുള്ള വാക്കു തന്നവന്‍-
4 ശത്രുവിന്നഗ്നിയസ്ത്രം ശക്തിയോടെതിര്‍ക്കുന്ന
മാത്രയില്‍ ജയം തന്നു കാത്തുസൂക്ഷിച്ചിടുന്ന-
5 ജനകനുടെ വലമമര്‍ന്നു നീ ഞങ്ങള്‍ക്കായ്
ദിനംപ്രതി പക്ഷവാദം ചെയ്തു ജീവിച്ചിടുന്ന-
6 ലോകത്തില്‍ ഞങ്ങള്‍ക്കുള്ളതെല്ലാം നഷ്ടമാകിലും
ലോകക്കാര്‍ നിത്യം ദുഷിച്ചിടിലും പൊന്നേശുവേ-
7 നിത്യജീവമൊഴികള്‍ നിന്നിലുണ്ട് പരനേ
നിന്നെ വിട്ടടിയങ്ങള്‍ എങ്ങുപോയി വസിക്കും!-
Download pdf