836. നീ മാത്രമെന്നാശ്രയം നാഥാ
നീ മാത്രമെന്നാശ്രയം നാഥാ നീ മാത്രമെന്നാശ്രയം
പാരിതിന്‍ ക്ലേശമാം സീയോന്‍ യാത്രയില്‍
നീ മാത്രമെന്നാശ്രയം - നാഥാ
1 നീറുന്ന നേരത്ത് ഉറ്റവര്‍ പോലുമേ
മാറുന്നു പാരിടത്തില്‍ മാറാതെ തള്ളാതെ
തള്ളയെപ്പോലെ നീ പേറുന്നതെന്താശ്ചര്യം!-ദേവാ-
2 വിശ്വാസ യാത്രയില്‍ എന്തു ഭവിച്ചാലും
ആശ്രയിപ്പാനായും ആശ്വസിപ്പിപ്പാനും
എന്‍ ചാരേയുണ്ടു നീ നിശ്വാസമെന്തിന്നിനി-താതാ?
3 നന്ദിയാല്‍ പാടും ഞാന്‍ നന്മനിറഞ്ഞോനേ!
നിന്‍മഹാസ്നേഹമോര്‍ത്തു വന്ദിതനായോനേ!
നിന്നെ സ്തുതിക്കുവാന്‍ നിന്‍കൃപ നല്‍കിടണേ-എന്നും
Download pdf