281. നിസ്സീമമാം നിന്‍സ്നേഹത്തെ പ്ര
‘When I survey’
1 നിസ്സീമമാം നിന്‍സ്നേഹത്തെ പ്രകാശിപ്പിക്കും ക്രൂശിനെ
ദര്‍ശിച്ചനേരം നാഥനേ നിനക്കു ഞാനധീനനായ്
2 ഈ ഭൂമിയില്‍ നിക്ഷേപമായ് ഞാനെണ്ണിവന്ന സര്‍വ്വവും
ഗണിച്ചിടുന്നു നഷ്ടമായ് ഈ ദര്‍ശനം മുഖാന്തരം
3 പ്രമോദമായെന്നായുസ്സില്‍ സ്നേഹിച്ച വ്യര്‍ത്ഥകാര്യങ്ങള്‍
നികൃഷ്ടമെന്നറിഞ്ഞഹം വെടിഞ്ഞിടുന്നശേഷവും
4 നിന്‍ക്രൂശില്‍ ഞാന്‍ നിരന്തരം പ്രശംസിച്ചിടും രക്ഷകാ
മറ്റൊന്നിലുമെന്‍മാനസം മഹത്ത്വമാഗ്രഹിക്കൊലാ
5 അഗാധമപ്രമേയമാം ഈ സ്നേഹമര്‍ഹിക്കുന്നിദം
എന്‍ ദേഹം ദേഹി മാനസം സമ്പൂര്‍ണ്ണമായ് സമസ്തവും
6 സാഷ്ടാംഗം വീണു പാദത്തില്‍ വണങ്ങിടുന്നു ഭക്തിയില്‍
നിനക്കും നിന്‍ പിതാവിന്നും മഹത്ത്വം ദൈവാത്മാവിന്നും
Download pdf