Lyrics : K.V.Sസങ്കീര്ത്തനം- 73, രീതി: എത്ര നല്ലമിത്രമെനിക്കേശു
1 നിര്മ്മല ഹൃദയന്മാര്ക്കെന് ദൈവം-എത്ര
നല്ലവനതിനില്ലൊരു വാദം-എന്നാല്
ദുര്മ്മതികള് സുഖികളായ്
തിരുവതിലിടറിയെന്നുള്ളം -തിരതുല്യം
2 വേദനകള് ലേശമവര്ക്കില്ല-ദേഹ
മാകവേ തടിച്ചുരുണ്ട വല്ലാ-തതാല്
മാലയായി ഡംഭം ധരിച്ചതിതരാം
ഞെളിയുന്നിതമ്പോ-ബഹു-വന്പര്
3 പുഷ്ടിയാലുന്തിന കണ്കളില്ലേ?-അവര്ക്കിഷ്ടമെല്ലാം സാധിച്ചിടുന്നില്ലേ?
ഞാനോ-കുറ്റമില്ലായ്മയിലെന്റെ
കൈകളെ കഴുകിയതു വ്യര്ത്ഥം-തീരെ വ്യര്ത്ഥം-
4 ഇങ്ങനെ ചിന്തിച്ച മൗഢ്യചിന്ത- പുറത്തൊന്നുരപ്പാന് തുനി-
ഞ്ഞെങ്കിലെന്തായിടും? തുംഗതരമായ ദ്രോഹം
പിന്തലമുറയ്ക്കുണ്ടാക്കി തീര്ക്കും-ദോഷം-ചേര്ക്കും
5 കൗതുകത്തോടിവരുടെ ഭാവി-ചിന്തി-
ച്ചീയിവനീശാന്തികത്തില് മേവി-അപ്പോള്
യാഹി വരെ വഴുതലില് നിര്ത്തിയിരിപ്പതായ്
ബോധമാര്ന്നു-മോഹം തീര്ന്നു
6 നിന്നടുക്കലിരിപ്പു ഞാനീശാ-ഭവാ
നെന് വലംകൈ പിടിക്കുന്നു
കൂശാതിവന് നിന് വിശിഷ്ടാലോചനയാല്
നന്മയില് നടന്നു വാനില് ചേരും-ക്ലേശം തീരും
7 സ്വര്പുരിയില് നിന്നെയൊഴിഞ്ഞാരുള്ളെനി-
ക്കാഗ്രഹിപ്പാന് പാരിലും വേറാരു-ള്ളതാല്
സുസ്ഥിരമാം പാറയുമെന് സ്വത്തുമഖിലേശാ!
നീ മാത്രം തവ സ്തോത്രം
8 നിന്നോടകന്നിടുന്നവര് പോക്കാ-ണവര് സംഹരിക്കപ്പെടും
തിരുവാക്കാലെന്നാല് നിന്നോടടുത്തിരുക്കും ഞാന്
നിന് നുതികള് മുഴക്കും-നീ വന്ദ്യന് സര്വ വന്ദ്യന്!-
![](images/PDF.gif)
Download pdf