458. യേശു രക്ഷിതാവിന് ആടാകുന്നു
രീതി : ക്രിസ്തുവിന്റെ ദാനം എത്ര മധുരം (‘Like a river glorious’)
1 യേശു രക്ഷിതാവിന് ആടാകുന്നു ഞാന്
സ്വര്ഗ്ഗസ്ഥപിതാവിന് പുത്രനായ താന്
പേര് ചൊല്ലി വിളിച്ചു മുമ്പേ നടക്കും
ഞാനതു ശ്രവിച്ചു പിമ്പേ ഗമിക്കും
മുട്ടുണ്ടാകയില്ല കുറവില്ലിന്നു
ചഞ്ചലമതില്ല തന്റെ ആടിനു
2 പച്ചമേച്ചിലിങ്കല് എന്നെ കിടത്തി
സ്വച്ഛവെള്ളത്തിങ്കല് എന്നെ നടത്തി
തിരിച്ചെന്നാത്മാവെ തന്റെ നാമത്താല്
നീതിയിന് വഴിയേ നടത്തുന്നതാല്-
3 ചാവിന് നിഴലിന്റെ താഴ്വരയില് ഞാന്
നടന്നാലും എന്റെ കൂടെയുണ്ടു താന്
ഒരു ദോഷത്തേയും പേടിക്കില്ല ഞാന്
തന്കോലും വടിയും ആശ്വസിപ്പിക്കും-
4 ശത്രുക്കള് മുമ്പാകെ മേശയൊരുക്കി
തന്നെന് ശിരസ്സാകെ പൂശുന്നെണ്ണ നീ
എന്റെ പാനപാത്രം നിറയുന്നിതാ
നിനക്കു ഞാന് സ്തോത്രം ചെയ്യും സര്വ്വദാ-
5 ആയുഷ്കാലമാകെ നന്മ കാരുണ്യം
പിന്തുടരുമെന്നെ അതെന് ലാവണ്യം
ദൈവഭവനത്തില് നിത്യം വസിക്കും
ഞാനുമത്യുച്ചത്തില് തന്നെ സ്തുതിക്കും-
Download pdf