1232. അതിമോദം നിന്തിരു സന്നി
രീതി: അതിരാവിലെ തിരുസന്നിധി
അതിമോദം നിന്തിരു സന്നിധിയണയുന്നു പ്രഭാതത്തില്‍
സ്തുതിഗീതങ്ങള്‍ പാടിവാഴ്ത്തുവാന്‍ കൃപയേകണമധികം
1 തിരുനാമത്തിലഭയം പ്രാപിച്ചധികം ശക്തി ലഭിപ്പാന്‍
തിരുസന്നിധിയണയുന്നീശാ ബലഹീനനാമടിയന്‍-
2 മമ ജീവിതവഴികള്‍ തവഹിതം പോല്‍ തുടര്‍ന്നിടുവാന്‍
പരനേ, മമ പ്രിയനേ, കൃപ പകര്‍ന്നീടണമധികം-
3 അരുണോദയസമയം പാരില്‍ പതഗഗണം പാടുന്നു
തിരുവേദത്തിന്‍ പൊരുളേ ദിവ്യകതിര്‍ വീശണം ഹൃദയേ-
4 അരിസഞ്ചയം വിഹരിക്കുന്നു, വിനകള്‍ വരുത്തിടുവാന്‍
അഖിലേശ, മാം കരങ്ങള്‍ നീട്ടിപ്പരിപാലിക്ക പരനേ-
5 ജഗദീശനെ ഭജിച്ചാത്മീയ പുതുക്കം പ്രാപിച്ചതിനാല്‍
ജയജീവിതം നയിപ്പാനാശ വളരുന്നാത്മപ്രിയനേ
Download pdf