309. നിന്‍സ്നേഹം ഗഹനമെന്നറിവില്‍
നിന്‍സ്നേഹം ഗഹനമെന്നറിവില്‍
നാഥാ......... നിനവില്‍.........
ആഴം നീളം വീതിയുയരം അനന്തം അവര്‍ണ്ണനീയം
1 അംബരവാസികള്‍ കുമ്പിടും രാപ്പകല്‍
അന്‍പിന്‍ നിധിയേ നിന്‍ പദവി ദ്രോഹിയെനിക്കായ്
ഉരിഞ്ഞെറിഞ്ഞോ നീ? ഹീന രൂപമണിഞ്ഞോ?
2 ബേത്ലഹേം മുതല്‍ കാല്‍വറിയോളവും
വേദനയേറെ നീ സഹിച്ചോ? ക്രൂശിലെനിക്കായ്
പ്രാണനും വെടിഞ്ഞോ? സ്നേഹിച്ചതീ വിധമെന്നോ?-
3 നിന്‍മഹാസ്നേഹത്തിന്നെന്തുപകാരമായ്
നല്‍കിടും ഞാന്‍ എന്‍നാഥനേ നിന്‍മുറിവുകളില്‍
ചുംബനം ചെയ്തെന്നും നന്ദിചൊല്ലി ഞാന്‍ സ്തുതിക്കും-
Download pdf