1054. നിദ്രകൊണ്ടു ഭക്തരെയോര്‍ത്തിനിയും
രീതി: നിന്‍ സ്നേഹം എന്‍
1 നിദ്രകൊണ്ടു ഭക്തരെയോര്‍ത്തിനിയും
വ്യര്‍ത്ഥമായി വ്യാകുലപ്പെടേണ്ടഹോ
ഭദ്രമായവര്‍ കര്‍ത്തൃകരങ്ങളില്‍
നിത്യപറുദീസില്‍ (3) വിശ്രമിക്കുന്നു-
2 നിദ്രകൊണ്ടവരിലാദ്യഫലമായ്
ക്രിസ്തു ഉയിര്‍ത്തെഴുന്നേറ്റായതുപോല്‍
ക്രിസ്തുവില്‍ നിദ്രകൊണ്ടവരേവരും
ക്രിസ്തുവോടൊന്നിച്ചു (3) യിര്‍ക്കുമറിക-
3 കാഹളം ധ്വനിച്ചിടും മദ്ധ്യവാനില്‍
മരിച്ചവരക്ഷയരായുയിര്‍ക്കും
ജീവനുള്ളവര്‍ രൂപാന്തരപ്പെടും
രൂപാന്തരപ്പെടും-(3)
4 ഈ മണ്‍കൂടാരം നാം വിട്ടുപിരിയും
ആത്മാവോ പറന്നുയരും ഗഗനേ
തേജോരൂപരായ് ദേഹസഹിതരായ്
തേജസ്സിന്‍ കര്‍ത്താവെ (3) കാണുമൊടുവില്‍-
5 കണ്ണുനീരെല്ലാം തുടച്ചുകളയും
തന്മാറോടവന്‍ നമ്മെ ചേര്‍ത്തണയ്ക്കും
കോടാകോടി വിശുദ്ധരോടൊത്തു നാം പാടും ഗീതങ്ങള്‍
നാം പാടും ഗീതങ്ങള്‍ (2)-
C.D.C
Download pdf