214. നിത്യവന്ദനം നിനക്കു സത്യ
1 നിത്യവന്ദനം നിനക്കു സത്യദൈവമേ,
സ്തോത്രവും ജയവും യോഗ്യം അത്യുന്നതനേ
2 മര്‍ത്യകുല സ്രഷ്ടകനേ നിത്യപിതാവേ
സത്യവിശ്വാസികള്‍ ചെയ്യും സ്തോത്രം നിനക്കേ
3 എത്രയോ മനോഹരം നിന്‍ കൃത്യങ്ങളെല്ലാം
ചിത്രമതി ചിത്രമവയെത്രയോ ശ്രേഷ്ഠം !
4 കെരുബുകള്‍ മദ്ധ്യേ വസിക്കും സര്‍വ്വശക്തനേ
ഉര്‍വ്വിയെങ്ങും വ്യാപിച്ചിടും നിനക്കെന്നും സ്തോത്രം
5 മാനവകുലത്തിന്‍ പാപം മോചനം ചെയ്വാന്‍
ഹീനമായ് കുരിശില്‍ ശാപമേറ്റ പരനേ!
6 നിന്നില്‍ വിശ്വസിക്കുന്നവനെന്നേക്കും മോക്ഷം
തന്നരുളാന്‍ ഉന്നതത്തില്‍ ചേര്‍ന്ന പരനേ!
7 സര്‍വ്വബഹുമാനം സര്‍വ്വമഹത്ത്വം സ്തുതിയും
സര്‍വ്വേശ്വരനായ യഹോവായ്ക്കു താന്‍ ആമേന്‍
Download pdf