266. നിത്യമാം നിന്‍ രക്തധാര
‘Precious precious blood of Jesus’
1 നിത്യമാം നിന്‍ രക്തധാര സത്യമായ് കാണ്മാന്‍
ഇന്നു നീക്കെന്‍ കണ്ണിന്‍ മൂടി ഒന്നാമതായ്
ധാരയായൊലിച്ച നിന്‍റെ ചോരയാല്‍ നീ താന്‍
പാരമാമെന്‍ പാതകങ്ങള്‍ തീരെ മായിച്ചു
2 ജീവബിന്ദു നിന്‍റെ ചോര ഏവന്നിന്നുമേ
ഉറ്റക്രോധം പറ്റെത്തീര്‍ക്കും ഒറ്റമൂലി--
3 വന്‍കടല്‍ സമാനമാകും എന്‍ കടങ്ങളെ
പറ്റെ വറ്റിച്ചിന്നു തീര്‍ക്കും ഒറ്റത്തുള്ളി--
4 രക്തതുല്യമെന്‍റെ ദ്രോഹം രക്തധാരയാല്‍
വെണ്മയാക്കാമെന്ന ചൊല്‍ നീ ഉണ്മയാക്കി--
5 പാപശക്തി നീക്കുമല്ലോ നീ പകര്‍ന്ന നീര്‍
പൂര്‍ണ്ണശുദ്ധി സാദ്ധ്യമിന്നു നിര്‍ണ്ണയം താന്‍--
6 സ്തോത്രമെന്നും പാടുവാനായ് ഇത്ര യോഗ്യത
തന്ന നിന്‍റെ വീണ്ടെടുപ്പു ഇന്നോര്‍ക്കുന്നു--
Download pdf