Lyrics : K.V.S1 നിത്യജയഗീതം പാടാന് നാവുയരുന്നേ കണ്ടു
കര്ത്തനെ സ്തുതിപ്പാനെനിക്കാശയേറുന്നേ
എത്രയുമിജിപ്തിന്നന്ധകാരം മൂടിലും ഒരു
മാത്രയാം നാള്ക്കില്ല താമസം-
2 തീരം കാണാതോടിടുന്ന കപ്പലാളുകള് പറ-
ന്നീടും പക്ഷികളെക്കണ്ടു ധൈര്യമാര്ന്നപോല്
മാറിടാക്കുറികള് കണ്ടുതേറും വരവോ-തെല്ലും
മാറ്റമില്ലാതടുത്തെന്നു നിശ്ചയിച്ചിടാം-
3 തിട്ടമായ് വാനസൈന്യം ലക്ഷണം കൂറി-അതി
ശ്രേഷ്ഠമാമീ സംഗതിക്കു സാക്ഷികളോതി
ദുഷ്ടലോകത്തക്രമങ്ങള് മട്ടുവിട്ട ഹോ! എങ്ങും
കാട്ടും കുറി വരവിനു തക്ക കുറിയാം-
4 ഭൂമിയിലോ ദീര്ഘനാളായ് ശാപം വാഴുന്നു-എങ്ങും
കേമമാം റോമയിന് കേട്ട കേളിയാടുന്നു
ക്ഷാമവും പകര്ച്ച വ്യാധി പോരിവയെല്ലാം-വരും
ശ്രീമനുവേല് വരവിനു സാക്ഷികളല്ലോ-
5 കാടുകളിന് വരള്ച്ചയോ നീങ്ങിവരുന്നു-ചൊരി
ഞ്ഞീടും മാരിയേറ്റു നിലമുല്ലസിക്കുന്നു
ഈടെഴുമൊലിവു മലമേല് ചൂടിടും പാദം-കാണ്മാന്
നാടുതോറുമൊരുക്കങ്ങള് കൂടി വരുന്നു-
6 യൂദരുടെ വീണ്ടെടുപ്പിന് നാളണയുന്നു പുറ-
ജാതികളിന് കാലം തികയാനടുക്കുന്നു
ശ്രീയേറുശലേമില് കുടിയേറി വരുന്നു-ജനം
രാജശക്തിക്കെതിര് ബലം കൂടിവരുന്നു
7 ഭക്തികെട്ട പാപലോകം പാഞ്ഞിളകവെ-വരും
പരിശുദ്ധിമാന്മാര് പരന് പാദം പണിയും
നിത്യമായിപ്പാടുലകില് നിന്നു മറയും പേയിന്
നീണ്ട ശത്രുതയൊടുങ്ങും നിന്ദയൊഴിയും-
8 ആയതിനാല് ദൈവമേകും മുന്കുറികളാമിവ
അവന് വരവെന്യേ വേറൊരാശ്വാസമില്ല
ഈ ജഗത്തെയുദ്ധരിച്ച യേശുപരനാം ജല
താരകമൊഴിഞ്ഞെനിക്കില്ലാശ്രയമൊന്നും-
![](images/PDF.gif)
Download pdf