194. നാഥാ! നിന്‍ നാമമെത്രയോ
‘Jesus the very thought of Thee’
1 നാഥാ! നിന്‍ നാമമെത്രയോ ശ്രേഷ്ഠം മഹോന്നതം!
സൗരഭ്യം തൂകും തൈലംപോല്‍ രമ്യം മനോഹരം
2 താവകനാമം പാപിക്കു നല്‍കുന്നു സാന്ത്വനം
സ്വൈരനിവാസം കണ്ടതില്‍ മേവുന്നു നിന്‍ജനം
3 നിന്നെയുള്‍ത്താരിലോര്‍ക്കയെന്നുള്ളതു കൗതുകം
ധന്യമെന്‍ കണ്‍കള്‍ കാണുകില്‍ നിന്‍തൃമുഖാംബുജം
4 നിന്നാത്മസാന്നിദ്ധ്യം തുലോം ആശ്വാസഹേതുകം
ദൃശ്യസംസര്‍ഗ്ഗം വിശ്രമം മാമക വാഞ്ഛിതം
5 ദു:ഖിതരിന്‍ പ്രത്യാശ നീ പാപികള്‍ക്കാശ്രയം
സാധുക്കളിന്‍ സന്തോഷവും നീ താന്‍ നിസ്സംശയം
6 വിസ്മയം നീയിസ്സാധുവെ സ്നേഹിച്ചതീദൃശം
സ്നേഹിക്കും ആയുരന്തം ഞാന്‍ നിന്നെയന്യാദൃശം
7 സ്നേഹപയോനിധേ! കൃപാ സാഗരമേ! സ്തവം
യേശുമഹേശാ! തേ ബഹുമാനം സമസ്തവും
Download pdf