931. നാഥന്‍ വരവു കാത്തു ബോ
നാഥന്‍ വരവു കാത്തു ബോധമാര്‍ന്നിരുന്നിതു
ചാതുര്യമോടെ പത്തു-കന്യകമാര്‍ കാതര്യമേശാതവര്‍
1 ബുദ്ധിമതികളെണ്ണകൃത്യമായ് കരുതിനാര്‍
ബുദ്ധിയില്ലാത്തോരഞ്ചു-കന്യകമാര്‍ നിഷ്ഠയില്ലാതിരുന്നിതില്‍-
2 നിദ്രിതരായങ്ങര്‍ദ്ധ രാത്രിയില്‍ വരനുടെ
പ്രസ്ഥാനഘോഷം കേട്ടു-കന്യകമാര്‍ ഉത്ഥിതരായവര്‍ ശീഘ്രം-
3 ദീപങ്ങള്‍ തെളിപ്പതിന്നായവര്‍ തുടങ്ങിനാര്‍
മൂഢകളാമഞ്ചു-കന്യകമാര്‍ ആടലാല്‍ പിന്‍വാങ്ങിനാര്‍-
4 സ്നേഹമില്ലായ്കയാലെ ദീപങ്ങള്‍ പൊലിഞ്ഞിതു
ആകവേ തെളിഞ്ഞഞ്ചു-കന്യകമാര്‍ ശോഭയായ് കത്തിച്ചവ-
5 എണ്ണയിന്‍ പ്രഭാവത്താലന്നേരം മണവറ
തന്നുള്ളില്‍ കടന്നഹോ! കന്യകമാര്‍ തുര്‍ണമായ് വരനോടും-
6 ബുദ്ധിഹീനരാമവര്‍ കത്തിപ്പാനെണ്ണ വാങ്ങി-
യെത്തിയ നേരത്തേക്കു-മണവറ കൃത്യമായടച്ചഹോ!-
7 കര്‍ത്തനേ! ഞങ്ങള്‍ക്കും നീ പേര്‍ത്തും തുറക്കണമേ
പ്രാര്‍ത്ഥിച്ചീവണ്ണമയ്യോ-കന്യകമാര്‍ മൂര്‍ച്ഛിക്കയല്ലേ ഫലം-
8 നിങ്ങളാരെന്നറിയു-ന്നില്ല ഞാനൊരുങ്ങാത്ത കന്യകമാരേ! വേഗം
പൊയ്ക്കൊള്ളുവിന്‍ കണ്ണീരിന്‍ സ്ഥാനത്തേക്ക്-
9 എന്നുരച്ചീടും വരന്‍-മന്നവനാകുമേശു
തന്നെയാണായവന്‍റെ-വരവിന്നു പൂര്‍ണ്ണരായ് കാത്തിരിപ്പിന്‍
Download pdf