1227. നല്ലൊരുഷസ്സിതില്‍ വല്ലഭ
നല്ലൊരുഷസ്സിതില്‍ വല്ലഭ സ്തുതിചെയ്യുവാന്‍ ഉണരൂ നീ
1 ശല്യമാമിരുളകന്നല്ലോയീ ഭൂതലം
നല്ലൊളിവീശി പ്രകാശിക്കുന്നാശകള്‍-
2 കാരിരുള്‍ തിരനീക്കി കതിരവനിതാ വന്നു
കരുണയാ കടാക്ഷിക്കും കാലം നീ കളയാതെ-
3 നോക്കുകീ പ്രഭാതത്തിന്‍ കാഴ്ചകളതി രമ്യ-
മാക്കുന്ന പരാശക്തിയോര്‍ക്കേതെന്നകമേ നീ-
4 തന്നിളം കതിരിനാല്‍ മന്നിനെ ശിശുസൂര്യന്‍
പൊന്നിന്‍ കടലില്‍ മുക്കുന്നെന്നേശുവുമിവ്വണ്ണം-
5 പുഷ്പങ്ങള്‍ വിടരുന്നു സദ്ഗന്ധം തുടരുന്നു
ശഷ്പങ്ങളിളം പച്ചപ്പട്ടെങ്ങും വിരിക്കുന്നു-
6 പക്ഷികള്‍ പാടുന്നു ശിക്ഷയില്‍ കൂടുന്നു
രക്ഷിതഗണം സ്തുതി കീര്‍ത്തനം തേടുന്നു-
7 യിസ്രയേല്‍ ഹിമമാമെന്‍ കര്‍ത്തനെ സ്മരിപ്പിക്കും
മുത്തണി ഹിമബിന്ദു ധാത്രിമേല്‍ ലസിക്കുന്നു-
8 രാവു കഴിവാറായി പകലേറ്റമടുത്തെന്നെ
ദൈവാത്മവിളംബരം ഭൂവെങ്ങും മുഴങ്ങുന്നു-
9 രാവിന്‍ വിലങ്ങുകീഴായ് കിടപ്പോര്‍ക്കിതാ
യോവേല്‍ കാഹളം നിത്യ സ്വാതന്ത്ര്യം ധ്വനിക്കുന്നു-
Download pdf