Lyrics : T.K.S.നല്ലിടയനേശു തനി-ക്കുള്ളജങ്ങള്ക്കായി വന്ന
സ്നേഹമേ - സ്നേഹമേ
നല്ലിടയാടുകള്ക്കായ് ജീവനെയും നല്കിടുന്ന
സ്നേഹമേ - സ്നേഹമേ!
1 അലയുന്നോരാടുകള്ക്കായ് നിലവിട്ടു താണിറങ്ങി
പല മട്ടു മാലിയന്ന സ്നേഹമേ!
വിലയേറും തങ്കനിണം ചൊരിയാനും താന് കനിഞ്ഞ-
താരാലും വര്ണ്ണ്യമാകാ സ്നേഹമേ-സ്നേഹമേ!
2 ഒരുനാളും കൈവിടുകില്ലതിനാലീയാടുകളില്
ഭയമില്ല തന്റെ മഹാ സ്നേഹമേ
കനിവോലും തന്കരത്താല് താലോലിച്ചീ മരുവില്
ചേലോടും പോറ്റിടും തന് സ്നേഹമേ-സ്നേഹമേ
3 കൂരിരുള് താഴ്വരയില് കൂടെനടന്നിടയ-
ന്നാടലകറ്റിടും തന് സ്നേഹമേ!
ആവശ്യവേളകളില് ആഹാരം നല്കിയവ-
യ്ക്കാശ്വാസമേകിടും തന് സ്നേഹമേ-സ്നേഹമേ!
4 ശത്രുഭയമകറ്റും സന്താപം തീരെ മാറ്റും
സന്തോഷമുള്ളിലേറ്റും സ്നേഹമേ!
സായാഹ്നമായിടുമ്പോളാലയം തന്നിലേക്ക്
ആഹ്വാനം ചെയ്തിടും തന് സ്നേഹമേ-സ്നേഹമേ!
![](images/PDF.gif)
Download pdf