434. നല്ല ദേവനേ! ഞങ്ങള്‍ എല്ലാവരെയും
1 നല്ല ദേവനേ! ഞങ്ങള്‍ എല്ലാവരെയും
നല്ലോരാക്കി നിന്‍ ഇഷ്ടത്തെ ചൊല്ലിടേണമേ-
2 പച്ചമേച്ചിലില്‍ ഞങ്ങള്‍ മേഞ്ഞിടുവാനായ്
മെച്ചമായാഹാരത്തെ നീ നല്‍കിടേണമേ-
3 അന്ധകാരമാം ഈ ലോകയാത്രയില്‍
ബന്ധുവായിരുന്നു വഴി കാട്ടിടേണമേ-
4 ഇമ്പമേറിയ നിന്‍ അന്‍പുള്ള സ്വരം
മുമ്പേ നടന്നു സദാ കേള്‍പ്പിക്കേണമേ
5 വേദവാക്യങ്ങള്‍ ഞങ്ങള്‍ക്കാദായമാവാന്‍
വേദനാഥനേ നിന്‍റെ ജ്ഞാനം നല്‍കുകേ-
6 സന്തോഷം സദാ ഞങ്ങള്‍ ചിന്തയില്‍ വാഴാന്‍
സന്തോഷത്തെ ഞങ്ങള്‍ക്കിന്നു ദാനം ചെയ്യുകേ-
7 താതനാത്മനും പ്രിയ നിത്യപുത്രനും
സാദരം സ്തുതി സ്തോത്രം എന്നും ചൊല്ലുന്നേന്‍-ആമേന്‍
Download pdf