Lyrics : K.V.S.നരേന്ദ്രസൂനോ! നാഥാ! വന്നിടുക
1 ഗിരീന്ദ്രശൃംഗമതില്നിന്നു മേഘമണ്ഡലത്തില്
സുരേന്ദ്ര ലോകം പൂകിയൊരു യേശു ദേവാ!
ഭവാന് പോയപോലെ വീണ്ടും വന്നിടുക-
2 കണ്ണുനീര് നിറഞ്ഞ തന്റെ ശിഷ്യരെ കരത്താല്
തിണ്ണമായനുഗ്രഹിച്ച ദേശികേശാ!
ഞങ്ങള്ക്കാശിസ്സേകാന്-വീണ്ടും-വന്നിടുക
3 ദിവ്യമാം തിരുവചസ്സിന്നവ്യയാധികാരം
ഭൂമിയില് പുന:സ്ഥാപിപ്പാന് രാജവര്യാ!
ഭവല്സേനയോടെ-വീണ്ടും വന്നിടുക
4 ഈയുഗത്തിന്നന്ത്യം വരെ ഞങ്ങളോടുകൂടെ
താനിരുന്നു കൊള്ളുമെന്നു വാക്കു തന്ന
സത്യപാലകനേ നാഥാ! വന്നിടുക-
5 രാവകന്നു ശോഭചിന്തും സുപ്രഭാതമിപ്പോള്
താവകമാം വരവിനാല് ലഭ്യമാകാന്
ബഹുവാഞ്ഛയോടെ-ഞങ്ങള് കാത്തിടുന്നേ-
6 ശീതളക്കാറ്റേശി ഞങ്ങളാകവേ കുളിര്ത്തു
പോയിടായ്വാന് വന്നു നിന്റെ കാന്തി ചേരും
കരം തന്നിലേന്തി-ചൂടു-നല്കണമേ നീ-
7 പൂര്വ്വദിക്കിലുയരുന്ന ബാലസൂര്യന് പോലെ
പൊന്കരങ്ങള് നീട്ടി കൃപ പൂണ്ടടിയാര്
മനത്താമരകള്-വിട-ര്ത്തിടുക നീ-
8 നീലനിറമാണ്ട വാനം പൂക്കളിന് സുഗന്ധം
തൂകുമൊരു കുളിര്കാറ്റും പച്ചയായ
വില്ലീസാല് പുതച്ച ഭൂവും-നല്കിടുക-
9 ആദിമനുഷ്യന്റെ മഹാപാതകത്താല് നഷ്ട-
മായ ദിവ്യാനുഗ്രഹങ്ങള് വീണ്ടുമേകാന്
ഉടല് യാഗം ചെയ്ത-ദേവാ!-നീ ജയിക്ക-
![](images/PDF.gif)
Download pdf