1123. നരരേ! വന്നിടുവിന്‍ പര
1 നരരേ! വന്നിടുവിന്‍ പരനോടു യോജിപ്പിന്‍
മരണം സഹിച്ച തന്‍ പുത്രനാല്‍ ഇപ്പോള്‍
2 ഗതിയില്ലാ മര്‍ത്ത്യര്‍ക്കായ് ഉദിച്ചരുണോദയം
അതിക്രമം നീക്കിയ ക്രിസ്തേശു തന്നെ-
3 ജപിച്ചാലും നാമങ്ങള്‍ തപസ്സോടെ രാപ്പകല്‍
ലഭിക്കുകയില്ലതാല്‍ രക്ഷയെ പാപി!
4 ഒരു നാമമേയുള്ളു കരുണ കണ്ടെത്തുവാന്‍
തിരുവേദസാക്ഷ്യങ്ങള്‍ കേട്ടാലും നിങ്ങള്‍
5 കുരിശിങ്കല്‍ നോക്കിയാല്‍ ദുരിതങ്ങള്‍ നീങ്ങിപ്പോം
മുറിവേറ്റ കുഞ്ഞാട്ടിന്‍ രക്തത്താല്‍ എല്ലാം-
6 ഹൃദയവിശുദ്ധിയും കൃപയാലെ പ്രാപിക്കും
സദയം തന്‍ ആലയം ആക്കിടും ദൈവം-
7 വസിക്കുവാന്‍ ദൈവത്തില്‍ രസിച്ചിടാന്‍ സത്യത്തില്‍
നശിക്കാത്ത ജീവനെ നല്‍കും താന്‍ ഉള്ളില്‍-
8 മരണം വന്നിടുമ്പോള്‍ ശരണം ഈ രക്ഷകന്‍
പറുദീസയിങ്കല്‍ താന്‍ ചേര്‍ത്തിടും അപ്പോള്‍-
9 ഒടുവില്‍ താന്‍ നീതിയില്‍ വിധിക്കുമതിന്‍ മുമ്പില്‍
എടുപ്പിന്‍ തന്‍ സൗജന്യ രക്ഷയെ നിങ്ങള്‍-
Download pdf