561. നമ്മള്‍ക്കുലകില്‍ സങ്കടമെന്തി
രീതി: ഏഴാം കടലിന്നക്കരെ
നമ്മള്‍ക്കുലകില്‍ സങ്കടമെന്തിന്നേശുവുണ്ടല്ലോ
ആരിലുമുന്നതനായൊരു മന്നവനേശുവുണ്ടല്ലോ! യേശുവുണ്ടല്ലോ!
1 ആപത്തില്‍ കൂട്ടുനില്‍പ്പാന്‍ താപത്തില്‍ പാട്ടുനല്‍കാന്‍
ഭാരങ്ങള്‍ ഏറ്റുകൊള്‍വാന്‍ യേശുവുണ്ടല്ലോ-
2 കല്യാണവീടതില്‍ വീഞ്ഞില്ലാതെ വന്നനേരം
വെള്ളം വീഞ്ഞായ് കൊടുത്തോരേശുവുണ്ടല്ലോ-
3 വിശക്കുന്ന പുരുഷാരം വിലപിക്കും വിധവയീ-
വകക്കാര്‍ക്കും മതിയായോരേശുവുണ്ടല്ലോ-
4 ലാസര്‍ തന്‍ മരണത്തില്‍ ക്ലേശിച്ച ഭവനസ്ഥര്‍
ആശ്വസിച്ചതിന്‍ മൂലമേശുവുണ്ടല്ലോ-
5 പാപത്തിന്‍ കൂലി തന്‍റെ ദേഹത്തിലേറ്റു നമ്മെ
നാശത്തില്‍ നിന്നു മോചിച്ചേശുവുണ്ടല്ലോ-
6 മതിമാനാം നേതാവായ് മൃതിവെന്ന ജേതാവായ്
പുതുജീവദാതാവായ് യേശുവുണ്ടല്ലോ-
Download pdf