483. അനുഗമിച്ചിടും ഞാനെന്‍ പരനെ
അനുഗമിച്ചിടും ഞാനെന്‍ പരനെ പരനെ
കുരിശില്‍ മരിച്ചുയിര്‍ത്ത നാഥനെ
ഇന്നും എന്നും മാറ്റമില്ലാത്ത വല്ലഭനെ
1 മമ കൊടുംപാപം തീര്‍ക്കുവാന്‍ താന്‍ കനിഞ്ഞെന്നോ!
വിമലജന്‍ ജീവന്‍ തരുവതിനും തുനിഞ്ഞെന്നോ!-
2 ശോധന പലതും മേദിനിയിതിലുണ്ടെന്നാലും
വേദനയേകും വേളകളേറെ വന്നാലും
3 വന്ദിത പാദസേവയതെന്നഭിലാഷം
നിന്ദിതനായിത്തീരുവതാണഭിമാനം
4 ക്ഷീണിതനായി ക്ഷോണിയില്‍ ഞാന്‍ തളരുമ്പോള്‍
ആണികളേറ്റ പാണികളാലവന്‍ താങ്ങും
5 കൂരിരുള്‍ വഴിയില്‍ കൂട്ടിന്നു കൂടെ വരും താന്‍
വൈരികള്‍ നടുവില്‍ നല്ല വിരുന്നു തരും താന്‍-
6 നന്മയും കൃപയും പിന്തുടരുമെന്നെയെന്നും
വിണ്‍മയ വീട്ടില്‍ നിത്യത മുഴുവന്‍ ഞാന്‍ വാഴും- M.E.C.
Download pdf