1088. ദൈവത്തിന്‍ ജനമേ, യേശുവിന്‍
രീതി : വിതച്ചിടുക നാം
1 ദൈവത്തിന്‍ ജനമേ, യേശുവിന്‍ ഭടരേ!
ആയുധങ്ങളേന്തി പോകുവിന്‍
നിങ്ങള്‍ സൈന്യനാഥന്‍ ക്രിസ്തു മുന്നില്‍ നില്‍ക്കുന്നിതാ
ഭീതി വേണ്ടാ ലേശം-മുന്‍ഗമിക്കുവിന്‍
സ്വര്‍ഗ്ഗദേശത്തില്‍ നാം വിശ്രമിക്കും
ഇദ്ധരയില്‍ വേണ്ട-തെല്ലും വിശ്രമം
2 ഭാരതനാടെല്ലാം, കീഴടക്കി വാഴും
വൈരിയാം സാത്താനെ ആക്രമിക്കണം
കാഹളങ്ങള്‍ ഊതി, ചുറ്റി നാം നടന്നു
വീഴ്ത്തണം യെരീഹോ നേടണം ജയം-
3 ലോകമെങ്ങും പോയി ഘോഷിപ്പിന്‍
സുവാര്‍ത്ത അന്തിമാജ്ഞ നല്‍കി, നാഥനീ വിധം
സൈന്യനാഥന്നാജ്ഞ, നിര്‍വ്വഹിച്ചിടായ്കില്‍
ന്യായതീര്‍പ്പിന്‍ നാളില്‍ എന്തു നീ ചെയ്യും?
4 ഭോഷനെന്നു ചൊല്ലി കൂട്ടുകാര്‍ ഹസിച്ച്
കര്‍മ്മഭീരുവാക്കിടാന്‍ ശ്രമിക്കുമ്പോള്‍
രാജ്യവും തന്‍ നിത്യ, നീതിയും കരുതി
പോര്‍ നടത്തണം നാം, ജീവന്‍ വയ്ക്കണം-
5 കഷ്ടതകള്‍ തീര്‍ന്നു, സ്വര്‍ഗ്ഗഗേഹം പൂകി പ്രണനാഥന്‍ ചാരേ,
നിന്നിടുമ്പോള്‍ നാം സ്വച്ഛമാം നഭസ്സില്‍
താരകം കണക്കേ തൂമ തൂകുമന്നു നമ്മളേവരും-
Download pdf