846. അനുകലമോ? ഉലകില്‍
അനുകലമോ? ഉലകില്‍ പ്രതികൂലമോ?
എനിക്കെന്തായാലും എന്‍ യേശു മതി
1 ഒരു നാളും അകലാത്ത സഖിയാണു താന്‍
തിരുപ്പാദം തേടും അഗതിക്കു തുണയാണു താന്‍
വരുമോരോ ദു:ഖങ്ങള്‍ ഭാരങ്ങളില്‍
തെല്ലും പരിഭ്രമം വേണ്ടെനിക്കേശു മതി-
2 ദിനം തോറും കരുതുവാന്‍ അടുത്തുണ്ടു താന്‍
മനം കലങ്ങാതെ അവനിലെന്നവലംബമാം
കനിവേറും കരങ്ങളാല്‍ കാത്തിടും താന്‍
എന്നെ പാലിപ്പാനിതുപോലെ വേറാരുള്ളു?-
3 ഇരുള്‍ മൂടും വഴിയില്‍ നല്ലൊളിയാണു താന്‍
പകല്‍ മരുഭൂവില്‍ ചുടുവെയിലില്‍ തണലാണു താന്‍
വരളുന്ന നാവിനു ജലമാണു താന്‍
എന്നില്‍ പുതുബലം തരും ജീവവചസ്സാണു താന്‍-
4 ഒരിക്കലെന്‍ പേര്‍ക്കായി മുറിവേറ്റതാം
തിരുവുടല്‍ നേരില്‍ ദര്‍ശിച്ചു വണങ്ങിടും ഞാന്‍
മമ കണ്ണീര്‍ തുള്ളികള്‍ തോരുമന്നാള്‍
<span style="\"font-family:ML-TTAmbili-Normal;" font-size:13.0pt\"=""> മന്നന്‍ മശിഹതന്‍ ദീപ്തിയില്‍ നിതം വാഴും ഞാന്‍
Download pdf