397. പാപലോകം തേടിയിപ്പാരില്
രീതി: ഉന്നൈ കണ്ടു നാന് ആടാ
പാപലോകം തേടിയിപ്പാരില് വന്നു ദേവന് താന്
പരലോകം പാപികള്ക്കേകിടുവാന്
സരുലോകമഹിമ സകലവും വെടിഞ്ഞു
കുരിശോളം താണവന് താന്-
1 ഉലകത്തിനുയിരേകാന് ഉന്നതന് മേനി
തകരുന്നു കാല്വറി മാമലയില്
ചൊരിയുന്നു കുരിശിന്മേല് ചെഞ്ചോരധാര
മനുവേല് മശിഹ മാനവര്ക്കായി
പാപിക്കു ബദലായ്
ബലിയായി സ്വമനസ്സാല്-
2 ഇരുളുന്നു ഉലകാകെ പിളരുന്നു പാറ
ഉയിരാര്ന്നു ഭക്തരിന് മൃതദേഹം
കീറുന്നു മറനീക്കാന് തിരശ്ശീല നീളേ
കുരിശില് മശിഹ ഉയിര് വിട്ടനേരം
പാവനരുധിരം പാപികള്ക്കരുളി
പരലോക മാര്ഗ്ഗമതേ-
Download pdf