Lyrics : P.V.T.ദൈവകൃപ മനോഹരമേ-എന്റെ
പ്രാണനായകന് എനിക്കു ചെയ്യുന്ന കൃപ മനോഹരമേ
സുരദേവ നന്ദനനേ!-
എന്റെ ദുരിതമൊക്കെയും ചുമന്നൊഴിച്ച നിന്കൃപ മനോഹരമേ
1 കൊടുംപാപിയായിരുന്ന-എന്റെ
കഠിനപാപങ്ങള് മോചനം ചെയ്ത കൃപ മനോഹരമേ
ശത്രുവായിരുന്നയെന്നെ-നിന്റെ
പുത്രനാക്കി നീ തീര്ത്ത നിന്കൃപ എത്ര മനോഹരമേ
2 പല പീഡകളെതിര്ത്തു-വരും
കാലമെനിക്കു സഹിഷ്ണുത തരും-കൃപ മനോഹരമേ-
ബലഹീനനാകുമെന്നില്-കര
ളലിഞ്ഞനുദിനം താങ്ങി നടത്തും കൃപ മനോഹരമേ-
3 നാശലോകം തന്നിലെന്നെ-സല്പ്ര
കാശമായ് നടത്തിടും നിന്കൃപയെത്ര മനോഹരമേ
അരിസഞ്ചയനടുവില്-എന്നെ
തിരുച്ചിറകുള്ളില് മറച്ചുകാക്കുന്ന കൃപ മനോഹരമേ
4 ചതിനിറഞ്ഞ ലോകമിതില്- നിന്റെ
പുതുജീവനില് ഞാന് സ്ഥിതി ചെയ്വാന് കൃപയധികം നല്കണമേ
പരിശ്രമത്തിനാലെയൊന്നും -എന്നാല്
പരമനാഥനേ, കഴികയില്ല നിന് കൃപ ചൊരിയണമേ-
![](images/PDF.gif)
Download pdf