492. അനാദിനാഥനേശുവെന്‍ ധനം
അനാദിനാഥനേശുവെന്‍ ധനം അന്യനാം ഭൂവിലെന്നാല്‍
ധന്യനാം ഞാന്‍ ക്രിസ്തുവില്‍ സദാ
1 സ്വര്‍ഗ്ഗത്തിലെന്‍ധനം ഭദ്രം സുശോഭനം
ഉലകത്തിന്‍റെ സ്ഥാപനം അതിനുമുമ്പുമെന്‍ ധനം
ഉന്നതന്‍ ക്രിസ്തുവില്‍ ദൈവം മുന്നറിഞ്ഞതാം-
2 പാപത്തിന്നിച്ഛകള്‍ പാരിന്‍ പുകഴ്ചകള്‍
കണ്‍മയക്കും കാഴ്ചകള്‍ മണ്മയരിന്‍ വേഴ്ചകള്‍
ഒന്നിലുമെന്മനമേതുമേ മയങ്ങിടാ-
3 ഇന്നുള്ള ശോധന നല്‍കുന്ന വേദന
വിഷമമുള്ളതെങ്കിലും വിലയുണ്ടതിനു പൊന്നിലും
വിശ്വസിച്ചാശ്രയിച്ചാനന്ദിക്കും ഞാന്‍ സദാ-
4 കാലങ്ങള്‍ കഴിയുമ്പോള്‍ നിത്യത പുലരുമ്പോള്‍
ദൈവം ചെയ്തതൊക്കെയും നന്മയ്ക്കെന്നു തെളിയുമ്പോള്‍
യുക്തമായ് വ്യക്തമായ് കൃപയിന്‍ കരുതലറിയും നാം- M.E.C.
Download pdf