88. ദേവസുതാ! വന്ദനം - സദാ
ദേവസുതാ! വന്ദനം - സദാ തവ
യേശുപരാ വന്ദനം
1 നാശമകറ്റുവാന്‍ മാനുജരൂപിയായ്
ഭൂമിയില്‍ വന്നവനേ! സദാ തവ
2 നീതിയിന്‍ തീയതില്‍ വെന്തെരിഞ്ഞിടുവാന്‍
ദേഹം കൊടുത്ത പരാ! സദാ തവ
3 ഊമരുമന്ധരുമാദിയായുള്ളവര്‍-
ക്കാമയം തീര്‍ത്ത വിഭോ! സദാ തവ
4 ചഞ്ചലമാനസനാകിയ പേതൃവിന്‍
സങ്കടം തീര്‍ത്തവനേ! സദാ തവ
5 മേരിയതാം വരനാരിതന്‍ സേവയെ
സ്വീകരിച്ചൊരു ഗുരോ! സദാ തവ
6 ചില്ലികള്‍ രണ്ടിനാല്‍ നിന്‍കൃപ തേടിയ
ധന്യയിന്‍ പൊന്‍കുടം നീ സദാ തവ
7 രാജകുമാരകാ! സാധുജനാവന-
ലോലുപാ! വന്ദ്യ വിഭോ! സദാ തവ
8 കാരിരുള്‍ നീക്കിടും നിന്‍മുഖചന്ദ്രനെ
കാണുവാന്‍ ആഗ്രഹമേ സദാ തവ
Download pdf