Lyrics : K.V.S.ദേവകുമാരാ! സര്വ്വ പാപ വിദൂരാ! ജയിക്ക
1 കേശം വെളുത്തവനേ! ജ്വാലാഗ്നിലോചനനേ!
ഉച്ചക്കതിരവന് പോലുജ്ജ്വലദാനനനേ
2 അങ്കിധരിച്ചു മാറില് പൊന്കച്ച കെട്ടിയോനേ
തങ്കവിളക്കുകള്ക്കുള് തങ്കുന്ന ധര്മ്മജനേ-
3 ചുട്ടുപഴുത്തൊരോട്ടിന് ത്വിട്ടിന് മദമശേഷം
തട്ടിക്കളഞ്ഞപാദ ത്വിട്ടാര്ന്ന സദ്പദനേ-
4 കോടിജലത്ധരികാ പാതത്തിന്നൊത്ത വിധം
നീടാര്ന്നൊരൊച്ചയോടു കൂടും സനാതനനേ!-
5 മുറ്റും പ്രഭാവലയ മദ്ധ്യേ തിളങ്ങുമൊരു
നക്ഷത്രമാല കൈയില് ചാര്ത്തുന്ന നായകനേ
6 വായ്ത്തല രണ്ടിനാലും ശത്രുക്കളെയരിഞ്ഞു
വീഴ്ത്തുന്ന ഖഡ്ഗമൊന്നു വായ്ക്കുള്ളിലേന്തിയൊരു-
7 ന്യായാസനസ്ഥ നിന്റെ കായപ്രദര്ശനത്താല്
മായാവിമോഹമെല്ലാം ഭീയാര്ന്നു മണ്ടിടുമേ
8 എക്ലീസിയയ്ക്കു പ്രേമവിഗ്രഹമായവനേ
മത്ക്ലേശമാകെ നീക്കി മുഖ്യാശിസ്സേകണമേ-
![](images/PDF.gif)
Download pdf