Lyrics : M.K.രീതി: എന്റെ ഭാവിയെല്ലാമെന്റെ
1 ദു:ഖത്തിന്റെ പാനപാത്രം കര്ത്താവെന്റെ കൈയില് തന്നാല്
സന്തോഷത്തോടതു വാങ്ങി ഹല്ലേലുയ്യാ പാടിടും ഞാന്-
2 ദോഷമായിട്ടെന്നോടൊന്നും എന്റെ താതന് ചെയ്കയില്ല
എന്നെയവനടിച്ചാലും അവനെന്നെ സ്നേഹിക്കുന്നു
3 കഷ്ടനഷ്ടമേറി വന്നാല് ഭാഗ്യവാനായ്ത്തീരുന്നു ഞാന്
കഷ്ടമേറ്റ കര്ത്താവോടു കൂട്ടാളിയായ്ത്തിരുന്നു ഞാന്-
4 ലോകസൗഖ്യമെന്തു തരും ? ആത്മക്ലേശമതിന് ഫലം
സൗഭാഗ്യമുള്ളാത്മ ജീവന് കഷ്ടതയില് വര്ദ്ധിക്കുന്നു-
5 ജീവനത്തിന് വമ്പു വേണ്ടാ കാഴ്ചയുടെ ശോഭ വേണ്ടാ
കൂടാരത്തിന് മുടിപോലെ ക്രൂശിന് നിറം മാത്രം മതി-
6 ഉള്ളിലെനിക്കെന്തു സുഖം തേജസ്സേറും കെരൂബുകള്
കൂടാരത്തിനകത്തുണ്ട് ഷെക്കീനായുമുണ്ടവിടെ-
7 ഭക്തന്മാരാം സഹോദരര് വിളക്കുപോല് കൂടെയുണ്ട്
പ്രാര്ത്ഥനയിന് ധൂപമുണ്ട് മേശമേലെന്നപ്പമുണ്ട്-
8 പ്രാകാരത്തിലെന്റെ മുമ്പില് യേശുവിനെ കാണുന്നു ഞാന്
യാഗപീഠമവനത്രേ എന്നുമെന്റെ രക്ഷയവന്-
9 ദിനം തോറും പുതുക്കുന്ന ശക്തിയെന്നില് പകരുവാന്
സ്വച്ഛജലം വച്ചിട്ടുള്ള പിച്ചളത്തൊട്ടിയുമുണ്ട്-
10 ലോകത്തെ ഞാനോര്ക്കുന്നില്ല കഷ്ടനഷ്ടമോര്ക്കുന്നില്ല
എപ്പോളെന്റെ കര്ത്താവിനെ ഒന്നു കാണാമെന്നേയുള്ളു-
![](images/PDF.gif)
Download pdf