583. ദിവ്യജനേശ്വര! ഭവ്യഗുണാത്മക!
ദിവ്യജനേശ്വര! ഭവ്യഗുണാത്മക!
ഭാഗ്യാമൃതദായക! തിരുപ്പാദം ഗതിനായകാ!
1 ദിവ്യജഡം വെടിഞ്ഞവ്യയലോകേ നിന്നുര്‍വ്വിയില്‍ വന്നപരാ!
പരദേവവിഹതാശര! പൂര്‍വ്വോദിതമാത്മ നിര്‍വ്യാജവാക്കത്ര
നിര്‍വ്വഹിപ്പാന്‍ വന്ന സര്‍വ്വേശ്വരാ! സുന്ദര! ഹൃതഗര്‍വ്വജനതേശ്വര!
2 ദുഷ്ടസാത്താനടിപ്പെട്ടെത്രയും മഹാ കഷ്ടമനുഭവിച്ചേന്‍-
അതാലേറ്റം പരിതപിച്ചേന്‍ ഇഷ്ടനാഥാ! തിരുവിഷ്ടമിയന്നെന്നെ
കഷ്ടതയില്‍നിന്നു മീട്ടതറിഞ്ഞുറച്ചേന്‍-കൃപ തൊട്ടെന്നു നിശ്ചയിച്ചേന്‍
3 മന്നാ! ഭവാന്നുയിരിമ്മണ്‍മയന്നു നീ തന്നിടുമെന്നാകിലോ-ബഹു
ധന്യനായ് തീര്‍ന്നിടുവേന്‍ വിണ്ണവരെന്നാളുമന്യാദൃശസ്നേഹ-
നന്ദികലര്‍ന്നീശ! നിന്നെസ്തുതിക്കും വിധം
ഞങ്ങളെന്നേക്കും വാഴ്ത്തും ദൃഢം-
K.V.S
Download pdf