173. അത്ഭുതവാനേ അതിശയവാനേ
അത്ഭുതവാനേ അതിശയവാനേ ആരാധിക്കുന്നു നിന്നെ
ഞാനാരാധിക്കുന്നു ദൈവാധി ദൈവത്തിനു
സ്തോത്രം ചെയ്യുവിന്‍ കര്‍ത്താധി കര്‍ത്താവിനെ
വാഴ്ത്തി പാടുവിന്‍ ഏകനായ്
അത്ഭുതം ചെയ്തിടുവോനെ
ജീവനുള്ള കാലമെന്നും ആരാധിച്ചിടാം-
1 ജ്ഞാനത്തോടെ വാനത്തെ നിര്‍മ്മിച്ചവന്
ഭൂമിയെ വെള്ളത്തിന്‍മേല്‍ വിരിച്ചവന്
പ്രഭ ചൊരിയാന്‍ താരകം നിര്‍മ്മിച്ചവന്
ആയുസ്സുള്ള കാലമെന്നും സ്തുതികരേറ്റിടാം-
2 ചെങ്കടലില്‍ വഴിതുറന്ന ദൈവം നീയല്ലോ
യിസ്രായേലെ വഴി നടത്തിയ ശക്തന്‍ നീയല്ലോ
ശത്രുവെ സംഹരിച്ചു സ്വന്തജനത്തെ നീ
പോറല്‍ ലേശം ഏറ്റിടാതെ മറുകരയേറ്റി-
3 എരിവെയിലില്‍ മരുഭൂവില്‍ മേഘസ്തംഭമായ്
കൂരിരുള്‍ താഴ്വരയില്‍ അഗ്നിസ്തംഭമായ്
മാറയെ മധുരമാക്കി അനുദിനമെന്നെ
ജയത്തോടെ നടത്തുവാന്‍ ശക്തനായവനെ-
4 ബാശാനെ ഓഗിനെ സീഹോനേയും നീ
സംഹരിച്ചു ദേശത്തെ വീണ്ടുകൊണ്ടു നീ
യിസ്രായേലിനവകാശം ഏകിയവന്‍ നീ
എന്നെന്നും വാഴ്ത്തിപാടാന്‍ യോഗ്യനും നീയേ-
5 താഴ്ചയില്‍ എന്നെയോര്‍ത്തു സ്വയം വെടിഞ്ഞവനെ
ശത്രുവിന്‍ കയ്യില്‍ നിന്നെന്നെ വീണ്ടവനെ
അന്നന്നു വേണ്ടതാം മന്ന തന്നവനെ
അന്ത്യമാം ശ്വാസം വരെ ആരാധിക്കും ഞാന്‍
Download pdf