1236. ദിവസാവസാന സമയമായ്
രീതി: പരമപിതാവിനെ പാടി
1 ദിവസാവസാന സമയമായ് നാഥാ!
തവസന്നിധാനം ഞാന്‍ തേടുന്നു മോദാല്‍
ദിവസങ്ങള്‍ക്കൊക്കെയും പൂര്‍വ്വനാം ദേവാ!
നവസംഗീതം പാടി വാഴ്ത്തും നിന്‍നാമം-
2 പറവകള്‍ കൂടുകള്‍ തന്നിലണഞ്ഞു
പകലോന്‍ പടിഞ്ഞാറെ കടലില്‍ മറഞ്ഞു
പകലുള്ളൊരു പരിപാടികളെല്ലാം കഴിഞ്ഞു
പരിപാലക പാദത്തില്‍ ഞാനുമണഞ്ഞു-
3 തിരുമമ്പില്‍ വരുവോരെ നിരസിക്കയില്ല
തിരുവദനം കാണുന്നോര്‍ ലജ്ജിക്കയില്ല
തിരുവചനം പാലിപ്പോര്‍ക്കൊരു ഭീതിയില്ല
ശരണമവര്‍ക്കെന്നും നീ തന്നേ നാഥാ!-
4 പലവിധമാം പൈശാചിക പോര്‍ നടക്കുമ്പോള്‍
പകലില്‍ തവ കൈയെന്നെ താങ്ങുന്നു നിത്യം
അകതളിരില്‍ സുഖമൊടു ഞാന്‍ പാടുന്നീ നേരം
പക വളരും പാരില്‍ തവ പാദം മമ ശരണം-
Download pdf