598. തേനിലും മധുരമേശുവിന്‍ നാമം
തേനിലും മധുരമേശുവിന്‍ നാമം ദിവ്യമധുരാമമേ- അതു
തേടുകിലുലകിലേവനും സദൃഢം നേടും നിത്യാനന്ദത്തെ
1 പാതയിലെന്നും നല്ലൊരു ദീപവുമാപത്തിലഭയവുമേ-എന്‍റെ
വ്യാധിയിലൗഷധമാധിയിലാനന്ദം സകലവുമെനിക്കവനാം-
2 ലോകസുഖങ്ങള്‍ സ്വപ്നസമാനമാകെയകന്നൊഴിയും -സര്‍വ്വ
ശോകവും തീര്‍ക്കുമേശുവിന്‍ നാമം ശാശ്വതം ശാശ്വതമേ-
3 മാനവരൂപമണിഞ്ഞവനുലകില്‍ താണവനായെങ്കിലും-സര്‍വ്വ
മാനവര്‍ വാനവരഖിലരുമൊരുപോല്‍ തന്‍പദം കുമ്പിടുമേ-
4 ലാഭമെന്നുലകം കരുതുവതഖിലം ചേതമെന്നെണ്ണുന്നു ഞാന്‍-എന്‍റെ
ലാഭമിനിയുമെന്നേശുവിന്‍ തൃപ്പദം ചേര്‍ന്നിടും ഞാനൊടുവില്‍-
Download pdf