Lyrics : K.V.Sതുംഗപ്രതാപമാര്ന്ന ശ്രീയേശുനായകനേ !
ഞങ്ങള്ക്കു നന്മ ചെയ്ത കാരുണ്യ വാരിധിയേ!
വണങ്ങിടുന്നടിയാര് തവ പദങ്ങളാശ്രയമേ
1 നിര്മ്മലമായ രക്തം ശര്മ്മദാ! നീ ചൊരിഞ്ഞു
കന്മഷം പോക്കി ദുഷ്ടകര്മ്മഫലത്തില് നിന്നു
വിടുതല് ചെയ്തതിനാല് ഞങ്ങളടിവണങ്ങിടുന്നേ!-
2 ഗത്തസമേനയെന്ന തോട്ടത്തിലെത്തി ഭവാന്
രക്തം വിയര്ത്തധിക ദു:ഖമനുഭവിച്ച
ചരിതമോര്ത്തിടുമ്പോള് മന-മുരുകിടുന്നു പരാ!-
3 ഹന്നാസു കയ്യാഫാവും ഹേരോദുമന്നു നിന്നെ
നിന്ദിച്ചു പീഡ ചെയ്തതെല്ലാം സഹിച്ചുവല്ലോ
മറുത്തതില്ല തെല്ലും റോമ ഗവര്ണ്ണര് മുമ്പിലും നീ
4 പേശിപ്പുലമ്പി ദുഷ്ടര് ക്രൂശിച്ചിടും പൊഴുതും
വാശിക്കധീനമായി ത്തീര്ന്നില്ല നിന്ഹൃദയം
വിമലകാന്തി ചേര്ന്നു മുഖം വിളങ്ങി ശാന്തിയാര്ന്നു--
5 നിന് സൗമ്യമാം സ്വഭാവം നന്നായ് പഠിച്ചടിയാര്
വന് പ്രാതികൂല്യമദ്ധ്യേ മുമ്പോട്ടു യാത്ര ചെയ്വാന്
തിരുമുഖ പ്രകാശം ഞങ്ങള്ക്കരുള്ക നീ സതതം--
6 ലോകൈക സദ്ഗുരുവേ! സ്വര്ജീവനക്കരുവേ!
ദാസര്ക്കഭീഷ്ടമേകും മന്ദാരമാം തരുവേ!
തിരുവടി നിയതം ഞങ്ങള്ക്കരുളണമഭയം-
7 തത്വവിത്താം മുനിയേ! ദുഷ്ടലോകശനിയേ!
സത്യവേദധ്വനിയേ! ജീവാഗമക്കനിയേ!
കരുണയിന് ധുനിയേ! ഞങ്ങള് വരുന്നിതാ തനിയേ
Download pdf