120. അത്യുന്നതന്‍ സുതനേ ആ
രീതി: യേശു നാഥാ വാ-വാ-
അത്യുന്നതന്‍ സുതനേ ആരംഭകാരണനേ
അങ്ങയെ സ്തുതിച്ചിടും ആരാധിച്ചാനന്ദിക്കും
1 കാല്‍വറി മാമലയില്‍ കാരിരുമ്പാണികളാല്‍
ക്രൂശിതനായ് എന്‍റെ പാപങ്ങള്‍ പോക്കിയതാല്‍
നന്ദിയായ് കുമ്പിടുന്നു-
2 കഷ്ടത്തിലാശ്രയം നീ ദു:ഖത്തില്‍ സാന്ത്വനവും
ശത്രുകൈയില്‍ നിന്നും മാമക മോചനവും
നിന്‍കൃപയൊന്നുമാത്രം-
3 ജാതിവംശങ്ങള്‍ മദ്ധ്യേ സത്യത്തിന്‍ സാക്ഷിയായി
ഇരുളിലൊരു ദീപം പോല്‍ നിന്നില്‍ ഞാന്‍ ശോഭിച്ചിടാന്‍
അരുളേണം, നിന്‍കൃപകള്‍-
4 ആത്മാവാം ദൈവമേ നിന്‍ ശക്തിയാല്‍ ഞാന്‍ നടപ്പാന്‍
പാവനഹൃദയം എന്നില്‍ പകര്‍ന്നിടൂ നീ
പാരിലെന്‍ നാള്‍കളെല്ലാം-
Download pdf