1196. തിരുപ്പാദം തേടിയിതാ വരും
തിരുപ്പാദം തേടിയിതാ വരും സാധു ഞാന്‍ യേശുവേ
കൃപ തന്നനുദിനവും എന്നെ നടത്തണമേ
1 ദുഃഖഭാരത്താലെന്‍ ഹൃദയം തളരാതിരുന്നിടുവാന്‍
കനിവോലും കരതലത്താല്‍ കനിവോടെന്നെ താങ്ങണമേ-
2 സമാധാനമില്ലാതുലകം സദാ ഭീതി പൂണ്ടിടുന്നേ
തവ സാന്ത്വന നുകമേറ്റു തങ്ങുവോര്‍ക്കെന്തൊരാശ്വാസമേ-
3 ജഡമോഹങ്ങള്‍ വെടിഞ്ഞടിയന്‍ ജീവപാതയില്‍ നടപ്പാന്‍
ജഗത്നാഥാ! ബലം തരിക ജയജീവിതം ചെയ്തിടുവാന്‍-
4 ചുടുചോര ക്രൂശില്‍ ചൊരിഞ്ഞെന്‍ കൊടുംപാപം തീര്‍ത്ത പരാ!
നിനക്കായെന്‍ ജീവിതത്തെ നിഖിലം സമര്‍പ്പിക്കുന്നു ഞാന്‍-
Download pdf