Lyrics : K.V.S1 തങ്കനിറമെഴും തലയുടയോനേ!- ദേവാ!
നിങ്കഴലിണപണിവോര് ധന്യരാമേ
2 നിന്നുടയ തിരുമുഖം പാര്ത്തുകൊണ്ടു -നിന്റെ
സന്നിധിയില് നിന്നുടുന്നോര് ഭാഗ്യവാന്മാര്
3 ആയിരം ദിനങ്ങളെക്കാള് നിന്റെ മുമ്പില്-ഒരു
വാസരം കഴിപ്പതതി മോദമല്ലോ
4 ഭൂതലമടിയാര്ക്കൊരു പരദേശം ഞങ്ങള്
വീടുനോക്കിയോടുന്നിതാ പ്രിയ നാഥാ!
5 നിന്മുഖത്തിന് വെളിച്ചത്താല് ഞങ്ങളെ നീ-നിത്യ
നന്മയില് നടത്തിടുക യേശുനാഥാ!
6 ഇമ്പമേറും തിരുമൊഴി കേട്ടു ഞങ്ങള്-തെല്ലും
തുമ്പമെന്യേ നിന്പാദം വണങ്ങിടട്ടെ
7 താമരകള് വിടര്ത്തുന്ന രവിപോലെ-മുഴു
യാമിനിയില് വിളങ്ങുന്ന ശശിപോലെ
8 പൈതലിന്നു പാല്കൊടുക്കു മമ്മപോലെ-പരി
ശോഷിതമാം കുളത്തിനു മഴപോലെ
9 നീയിരിക്ക ഞങ്ങള്ക്കെന്നും ചാരുരൂപാ!-നിന്റെ
തൂമൊഴികള് കേള്പ്പിക്കുക ഗുരുനാഥാ!- K.V.S
![](images/PDF.gif)
Download pdf