(രീതി: മാനസമോദക)

ഞാനെന്തിന്നാകുലനായിടുന്നുലകിൽ
കാവലിന്നുണ്ടുലകാധിപതി
താനെന്റെ താതനും ഞാനവൻ മകനും
ആകയാൽ ഭാഗ്യവാൻ ഞാൻ

1. കാൽവറി നാഥൻ തൻ വിലയേറും
ചെന്നിണമെൻ വിലയായ്
നൽകിയല്ലോ താൻ വീണ്ടെടുത്തെന്നെ
കൈവിടുമോ പിന്നെ?

2. സങ്കടം തിങ്ങിയുളളം കലങ്ങി-
യെൻ മനമുരുകിടവേ
തൻകരം മൂലം താങ്ങിത്തലോടും
വൻ കനിവോടയവൻ

3. താതനെൻ ചുറ്റും കാവലിന്നായ്
ദൂതരിൻ പാളയവും
പാതയിൽ ദീപമായ് തിരുമൊഴിയും
നൽകി നടത്തുമല്ലോ

4. ശാശ്വത ഭുജമെൻ കീഴിലുളളതിനാൽ
ആശ്വസിക്കാം ദിനവും
നാസ്തിത്വത്തിൻമേൽ ഭൂമിയെ
തൂക്കും ഈശനെന്നാശ്രയമാം.

 

 Download pdf