959. ഞാനെന്നു കാണുമെന്‍റെ ഭവ
രീതി: എന്‍പ്രിയ രക്ഷകനെ
ഞാനെന്നു കാണുമെന്‍റെ ഭവനമാ-മാനന്ദ മന്ദിരത്തെ
ഹീനമായുള്ളൊരീ ലോകവുമെന്നുടെ
ദീനതയേറുമീ ദേഹവും വിട്ടിനി-
1 ഇദ്ധരയില്‍ വസിക്കും ദിനമെല്ലാം കര്‍ത്തനില്‍ നിന്നകന്നു
പാര്‍ത്തിടുന്നെന്നു തന്നെ എനിക്കിതാ വ്യക്തമായ് തോന്നിടുന്നു
ഇത്തിരശ്ശീലയകന്നു വെളിച്ചമങ്ങുജ്ജ്വലിക്കും പുരം
കാണ്മാന്‍ കൊതിക്കുന്നു-
2 ദൈവതേജസ്സു തിങ്ങി വിളങ്ങിടും ദിവ്യ നഗരമതില്‍
എത്തിനോക്കിടുവാനും ഇരുളിന്നു ശക്തിയുണ്ടാകയില്ല
ഇപ്പുരി തന്‍റെ മനോഹര കാന്തിയില്‍
നിത്യം നടന്നിടും ജാതികളേവരും-
3 പാപമടുത്തിടാത്ത പുരമതില്‍ പാവനമാനവന്‍മാര്‍
പാരിലെ മാലൊഴിഞ്ഞു സുവിശ്രമം പാരമിയന്നിടുന്നു
പാപരിന്‍ ദ്വേഷമാമസ്ത്രങ്ങളിങ്ങുള്ള
പാരത്രികാനന്ദം ഭഞ്ജിക്കയില്ലല്ലോ-
4 കണ്ണീരവിടെയില്ല-കലുഷത കാണുവാന്‍ പോലുമില്ല
ദുര്‍ന്നയമെന്നതില്ല-ദുരാശയാല്‍ ദൂഷിതരാരുമില്ല
പൂര്‍ണ്ണസുഖപ്രദമാമീ നഗരത്തില്‍
പൂകുവോര്‍ക്കില്ലൊരു ദു:ഖവിചാരവും
5 രോഗമെല്ലാമകലും വിശിഷ്ടമാം ദേഹമഭി ലഭിക്കും
തീരെയൊഴിഞ്ഞു പോകും -മൃതി നിത്യജീവനെനിക്കുദിക്കും
ദൈവപിതാവിനെ വാഴ്ത്തിയനുദിനം
മേവുമവനുടെ സന്നിധിയിലഹം-
Download pdf